सभासद लाई पत्र

This is an article published in friend blog Nepal Diary. You can access the article from here and read more blog from Nepal Diary from here:

मानानीय सभासद महोदयहरु,
आजका मितिले कारीब पचास दिन जती बाँकी छ – नयाँ संबिधान जारी गर्न । सबको चासो छ , पचास दिन मा संबिधान बन्ला कि नबन्ला भनेर । सर्बसाधारण ( म जस्ता ) मा आसा भन्दा धेरै आसंका छ- बाइस महिना मा माखो मार्न नसकेका हाम्रा मानानीयहरुले कसरी नयाँ संबिधान बनाउलान ? कदचित बनाए भने पनि कसरी जनता को संबिधान बनाउलान भन्ने । जनताले चोक चोक मा नारा जुलुश गर्नु परेको छ , धरना दिनु परेको छ, रिले अनसन गर्नु परेको छ ।

आदरणिय प्रधानमन्त्री, मन्त्री , सभामुख, र मानानीय सभासद ज्यु हरु,
तपाईंहरुलाई संबिधान बनाउन , संबिधान सभामा जान भन्दा पनि भाषण गर्न, उध्घाटन गर्न, रिबन काट्न , आइसक्रिम खान र ब्युटि पार्लर जान नै भ्याइ नभ्याइ छ, कती बेला बनाउनु खै हाम्रो संबिधान ?
आफ्ना हकहित का लागि, स्वाष्थ्य्, रोजगारी र सुरक्षा को प्रत्याभुती होला भनेर ज्ञानेन्द्र शाह को कालो दिन बिरुध्द युध्मोर्चा मा लडेका यो देश का नागरिक हरु आज आतंकित छन, ससंकित छन र हतास छन । हिजो टाउकोमा कात्रो बाधेर २०६२/ ०६३ को जन आन्दोलन लड्दा हामीले अब त देशमा प्रजातन्त्र, सुसासन, शान्ती सुरक्षा र स्थाईत्व होला , पटक पटक हामीले प्रजातन्त्र, सुसासन, शान्ती सुरक्षा र स्थाईत्व का लागि लडाइ लड्न नपर्ला , कम्तिमा पनि नागरिक ले रगत बगाउनु नपर्ला भनेरै १९/ १९ दिन “भात न पानी ” भएर लडेका थियौ तर आज आएर तपाईं हरुले नेपाली जनताको त्यत्रो त्याग लाई “बालुवा मा पानी ” सरह बनाइ दिनु भयो – तपाईंहरुलाई अलिकती पानी लाज लाग्दैन । अग्रज सि के लाल को भाषामा ‘के तपाईंहरु छौडा छोडे झै ‘ हुनु भा हो ?

मानानीय ज्युहरु ,
के नेपाली जनता ले तपाईंहरुलाई सधैं भत्ता आइरहोस्, खान पुगिरहोस , तपाईंका आसे पासे , भाई भतिजा लाई मात्र जागिर खुलोस हामी फेरी रैति भएर बस्न तयार छौ भनेर आन्दोलन गरेका हुन ? तपाईंलाई जिताएर संबिधान सभामा पुर्याएका हुन ? तपाईंहरुको अलिकती पनि हामी जनता प्रती उतरदायित्व छैन ?
संबिधान बनाउने डेड लाइन २०६७ जेश्ठ १४ हो , तपाईंहरुले जेष्ठ १४ भित्रै संबिधान बनाउनै पर्छ , नेपाली जनतालाई संबिधान दिनै पर्छ । नत्र नि मानानीयज्युहरु हामीले तपाहरुलाई असक्षम र् अयोग्य घोसित गर्नुपर्ने पनि हुन सक्छ । तपाईंहरुलाई थाहा नभएको त होइन होला तै पनि अबगत गराउन चाहन्छु -दिएको समयमा , तोकिएको मितिमा काम फत्यै गर्न नसक्ने अयोग्य ,अदक्ष , कामचोर हो , समयमा संबिधान लेख्न सक्नु भएन भएन हामीले तपाईंहरुलाई कसरी योग्य र सक्षम मान्ने ? नागरिक अधिकार कर्मी डा मथुरा श्रेस्ठ ले भनेझै जसरी म्याद सकिएको औषधी को कुनै काम हुँदैन , त्यसलाई नस्ट गर्नुपर्छ , २०६७ जेष्ठ १४ पछी तपाईं हरु को पनि म्याद गुज्रन्छ , त्यस पछी पनि तपाईंहरुलाई भत्ता दिएर पान्नु पर्छ भनेर कुन कानुन , निती नियम र बिधान मा लेखेको छ महोदय ?
तपाईं हरुले छातीमा हात राखेर स्वैकार्नै पर्छ – नेपाली जनता लाई न त सरल स्वास्थ्य दिन सक्नु भएको छ न त उचित सैक्षित बातावरण , न त सुरक्षा , न त रोजगारी तै पनि हामी सहेरै बसेका छौ ता की जेश्ठ १४ २०६७ भित्रै हाम्रो गास बास कपास को प्रत्याभुत गरिएको , जनातको संबिधान बन्ने छ र् हाम्रा पनि सुदिन आउने छ्न भनेर – जनताको सहनसिलताको परिक्षा लिने दुस्प्रयास नगरनु होला मानानीय ज्यु हरु । कम्ती मा बाँकी ७० दिन चै सभासमारोह , जात्रा मात्रा मा नगैदिनुहोला , आफ्नो सम्प्रुण ध्यान संबिधन लेखन मा लगाइदिनुहोला ,टाल टुले होइन जनताको संबिधन लेख्न कम्मर कस्नु होला , आफुलाई असक्षम, र अयोग्य घोसित हुन बाट बचाउनुहोला ।

मानानीय सभासद ज्युहरु ,

जसमा देश प्रती माया छैन , जनताप्रती उतरदयित्व बोध छैन , जो आमा र देश लाई माया गर्दैन , जनाताका आसा र विश्वाश ( जनाताको टाउको मा गिर खेल्छ ) मा विश्वाश घात गर्छ , त्यसको आत्मा मरेको हुन्छ , आस्था मरेको हुन्छ, त्यसको इश्वोर मरेको हुन्छ , आत्मा , आस्था र इश्वोर मरेको मान्छे जिउदो लास हो , मानानीय ज्यौ हरु -सुन्दा, भन्दा र पढ्दा नराम्रो लाग्छ तर तपाईं हरु ले जनतालाई जवाफ दिनै पर्छ ‘के तपाईं हरुमा अलिकती पनि आत्मा, आस्था र ईश्वर बाँकी छ ? बाँकी छ् भने कृपया जनताको विश्वाशमा कुठराघात गर्ने कोशीस नगरनु होस , तपाईंहरुको मुख्य काम संबिधान लेखन हो , लेखेर देखौनुहोस । अहिले अन्तिमा धडी मा आएर तपाईंहरु संबिधान समयमा नबन्ने , म्याद थप गर्नु पर्ने तर्क गर्न थालनु भएको छ , तर एक्कैसौ शदी का नेपाल का जनता त्यती अज्ञान र अबुझ छैन – हामी तपाईं सता र भत्ता को लागि मात्र म्याद बढाउने तर्क गर्न थालनु भएको कुरा भुज्न थालएका छौ । तपाईंको म्याद थप्ने प्रस्तव मा नि महोदय तपाईंहरुकै भाषा मा “प्रतिकृयाबादी ” को गन्ध आउन थालेको छ । होसियार रहनुहोस् -हाम्रो फेरी पनि नम्र निबेदन छ -बाकी दिन रात दिन काम गर्नुहोस, जनता सँग गरेको बाचा सम्झनुहोस, र याद राख्नुहोस २०६७ जेष्ठ १४ पछी को एक दिन पनि संबिधान सभाको म्याद थप्न पाइदैन , हामी जनता म्याद थप्ने पक्षमा छैनौ ।

अन्तमा अर्को एउटा सविनय निबेदन गर्न चाहन्छु -म्याद थपेर, भात्ता पचाएर , जनता अल्मल्याएर शासन गर्ने , पदमा बस्ने , सभासद को कुर्सी जोगाउने सपना देख्नु भएको छ भने -ससदमै कालो बोको काटेर भाकाल हाल्नुहोस , भैंसी पूजा गर्नुहोस , पाइलाटबाबा बोलाउनुहोस,कालिबाबा, राम् देव वा अर्कै लोक को कुनै देब नै वा पशुपतीनाथै पुकर्नुहोस ईतिहास साक्षी छ – २४० बर्से राजाशाही त ठुलोपिथो भो , तपाईं २२/ २५ महिने को केही जोर चल्ला जस्तो यो बाबुरो लाई लागेको छैन ।
हवस्त , संबिधन बनाउनु भो भने जेशठ १४ मा रत्नपार्कमा भेटौँला ,सिन्दुर जात्रा गरौला नत्र त उही हो चुनाब त फेरी फेरी आउँला नि , नमस्कार

Advertisement